५ ते ५५ वर्ष वयोगटातील जवळपास ३५ हून अधिक स्पर्धकांनी ह्या स्पर्धेत सहभाग घेतला. प्रत्येकाने एकापेक्षा एक सरस नृत्य सादर केली.
वैयक्तिक गटातील स्पर्धकांनी प्रत्येकी दोन नृत्य सादर केली, तर जोडीतील स्पर्धकांनी एक नृत्य सादर केले. संपूर्ण वेळ मंचावरून घुंगरांचा आणि सभागृहातून प्रेक्षकांच्या टाळ्यांचा कडकडाट ऐकू येत होता. खाण्याच्या स्टॉल्सवरही लोकांची गर्दी होती. सर्वत्र खेळीमेळीचे वातावरण आणि आनंदाचा जल्लोष होता.
भव्य दिव्य स्वरूपात संपन्न झालेल्या नृत्य स्पर्धेच्या निकालासाठी प्रत्येक जण उत्सुक होता. स्पर्धा अतिशय चुरशीची झाल्याने निकाल जाहीर करण्यास परीक्षकांना अंमळ वेळ लागला.
आता निकाल जाहीर –
पहिल्या वयोगटात (५ ते १२ वर्ष):
पहिलाः रेयांश हिरे , दुसरीः अननया भोसले, तिसरीः क्षिती देशमुख.
दुसऱ्या वयोगटात (१३ ते १९ वर्ष): पहिली लावण्या भोसले, दुसरी धृती हिरे, तिसरी मनवा जोशी.

तिसऱ्या वयोगटात (२०+ वर्ष): पहिली वैदेही पराडकर, दुसरा निखिल मसंगी, तिसरी सयाली परासरे.
जोडी गटात: पहिली ‘नृत्य तरंग’ – मिनल आणि त्रिशा, दुसरी ‘ट्वर्लिंग ट्विन्स’ – सुरभी आणि आभा, तिसरी ‘सोल स्टेप्स’ – मनाली आणि मन्वा
विजेत्यांना रोख रक्कम आणि चषक असे भव्य बक्षीस देण्यात आले. संपूर्ण स्पर्धा आनंदात आणि खेळीमेळीत पार पडली. मराठी संस्कृतीचा गौरव वाढवणारा हा कार्यक्रम सर्वांसाठी अविस्मरणीय ठरला!

धन्यवाद!

The post एमपीबीचा फेवरेट कोण नृत्य स्पर्धा: 2026 appeared first on मराठी प्रतिष्ठान, बंगळूर.

The post एक दिवस तिच्या मधल्या ‘ती’ साठी(महिला दिन- २०२४) appeared first on मराठी प्रतिष्ठान, बंगळूर.

श्रावणमासी हर्ष मानसी ह्याला साजेशा विविध स्पर्धांचे आयोजन केले होते. या कार्यक्रमाची सुरुवात रांगोळी स्पर्धेने झाली. रांगोळी स्पर्ध्येची विजेत्या ठरल्या सौ.किरण राजूरकर तर उपविज्येत्या ठरल्या सौ.केतकी काळे. त्यानंतर लहान मुलांच्या श्रावण या विषयावरती चित्रकला स्पर्ध्येला सुरवात झाली वयवर्ष ३ ते १५ अश्या गटात ह्या स्पर्ध्येचे आयोजन करण्यात आले होते. या स्पर्ध्येला बेंगलोर स्थित मराठी बाळ गोपाळांनी उस्फुर्त असा प्रतिसाद दिला जवळ पास २०~२५ मुलांनी ह्या स्पर्ध्येत आपला सहभाग नोंदवला.

० ते ५ या वयोगटात विजयी ठरली ओवी करंदीकर तर उपविजेती ठरली आरोही कुंभार..

५ वर्ष व वरती वयोगटात विजयी ठरला तरण तोळे तर उपविजेती ठरली आरुषी पांगारकर..

ह्यानंतर लहान मुलांचा फॅशन शोची स्पर्धा पार पडली ..

विविध वेशातील , विविध रंगातील चुमुकले पाहताना रसिक भारावून गेले .. सीमेवरती लढणारा सैनिक असो, कि आपली मराठी परंपरा सांगणारी मराठी मुलगी, नेत्र दानाचे महत्व सांगणारी वेषभुशा असो कि सिग्नल व जोडीला पोलिसांचे महत्व सांगणारा पेहराव. १ वर्षाचे वारकरी असोत किंवा भुंग्यांनी त्रास दिलेली शकुंतला असो. ह्या सार्यांबरोबरच साने गुरुजी , सावित्रीबाई फुले पण शिक्षणाचे महत्व पटवून देऊन गेले..

जोडीला सुपरमॅन , बाहुबली पण हजेरी लागून गेले..

० ते १ या वयोगटात विजयी ठरला समन्यू श्रीनिवास मोरे तर उपविजेता नचिकेत आंबेकर .

१ ते ५ यावयोगटात विजयी ठरला आण्विक देशपांडे तर उपविजेता मिहीर निखिल जोशी .५ वर्ष व वरती वयोगटात विजयी ठरली अनुराधा काळगावकर तर उपविजेती ठरली ओवी शिंदे. ह्यानंतर आयोजित मॉम अँड किड्स फॅशन शोची विजेती ठरली किरण राजूरकर मराठी प्रतिष्ठानने नेहमीच लहान मुलांच्या विविध कला गुणांना एक मंच देण्याचे काम केले आहे. मग ह्या साऱ्यात नृत्य स्पर्धा कशी मागे राहील. क्लासिकल पासून हिप हॉप आणि तांडव नृत्य ते आपली मराठी ठसकेबाज लावणी ह्याची मजा जमलेल्या रसिकांनी घेतली.

सोबतीला ह्या छोट्या कलाकारांना प्रेक्षकांनी स्वइच्छेने बक्षीशे देऊन त्यांना प्रोत्साहन दिले. स्पर्ध्येची विजेती ठरली पर्णिका कदम तर उपविज्येती ठरली आद्या धर्माधिकारी. श्रावणसरी २०१८ ह्या कार्यक्रमाचे आकर्षण ठरले ते म्हणजे “मी अँड मिसेस एम पी बी २०१८ ” ह्या स्पर्ध्येत एकूण ६ जोडप्यांची सहभाग घेतला. स्पर्धकांना जोडीने – एकमेकाच्या साथीने करायला लावणारे काही खेळ लोकांमध्ये हास्य पिकवत होते तर स्पर्धकांनमधील एकमेकांवरील विश्वास.

सर्वात गमतीदार शेवटची फेरी होती ज्यात जोडप्यांना एकमेकांबद्दल प्रश्न विचारून त्याची उलटतपानशीं केली तेव्हा खूप मजेदार उत्तर अाली ज्याचा प्रेक्षकांनबरोबरच इतर सहभागी स्पर्धकांनी हि त्याची मजालुटली. ह्या स्पर्द्येची विजेती जोडी ठरली डॉ.सौ.प्रतीक्षा वलगावकर व श्री.सारंग वलगावकर आधुनिक जीवनशैलीचा अवलंब करताना मूळ मराठी मातीशी नाळ तुटू नये याकरिता मराठी प्रतिष्ठान बंगळुरू हे कायमच प्रयत्नशील असते.

विविध मराठी सण सामूहिकरीत्या साजरे करून परमुलूखात एक प्रकारे महाराष्ट्राच्या सांस्कृतिक अस्मितेचे दर्शन मराठी प्रतिष्ठान करून देत असते. श्रावणसरी २०१८ याकार्यक्रमाच्या आयोजनात मराठी प्रतिष्ठानच्या महिला समितीच्या सभासद सौ.अनघा मसने, सौ.भाग्यश्री अडसूळ, सौ.श्रीजला जोशी, सौ.सुप्रिया कुऱ्हाडे यांचे मोलाचे नियोजन व सहकार्य लाभले. तसेच ह्मा कार्यक्रमाला प्रतिष्ठानचे श्री. गणेश राऊत, श्री. नंदकुमार स्वामी, श्री.विजय पाटील, श्री. राहुल निंबाळकर, श्री.निलेश राणे, श्री. बापूसाहेब शिंदे,श्री. शैलेश पाटील यांचे मोलाचे मार्गदर्शन मिळाले. तसेच श्री.अजय अडसूळ, सौ.अंजनी निलेश राणे , श्री.विनय मसने, श्री.निखिल जोशी, सौ.पल्लवी विजय पाटील व सौ.प्राची बागुल ह्यांनी विविध स्पर्धेना परीक्षक म्हणून काम पहिले. श्री.बापूसाहेब शिंदे व श्री.नंदकुमार स्वामी ह्यांनी कार्यक्रमाचे सूत्रसंचालन केले.

The post श्रावणसरी २०१८ appeared first on मराठी प्रतिष्ठान, बंगळूर.

माहिती व तंत्रज्ञान क्षेत्रातील नोकरी करताना अनेकांना स्वतःच्या आरोग्य विषयक समस्या उद्भवत असतात. कामाच्या निश्चित वेळा नसल्याने आरोग्य समस्या अनेकदा दुर्लक्षिल्या जातात. आयुर्वेदीक जीवनशैलीचा अवलंब केल्यास बहुतांशी आजार कशा प्रकारे दूर ठेवता येतील, याविषयी डॉ. मुग्धा कुलकर्णी यांनी अतिशय सोप्या शब्दात मार्गदर्शन केले. शारीरिक आजारांसोबतच मानसिक आजार वेळीच ओळखून त्यावर उपाययोजना करण्याचे महत्व त्यांनी विशद केले. रोजच्या कामातून येणार मानसिक ताण दूर करणे तसेच लहान मुलांची रोगप्रतिकारक क्षमता वाढवणे याविषयी देखील डॉ. मुग्धा कुलकर्णी यांनी श्रोत्यांना सल्ले दिले.

वटपौर्णिमा हा सण मुख्यत्वाने स्त्रीयांचा सण असतो. पूर्वी स्त्रियांना रोजच्या जीवनातून दोन क्षण विरंगुळ्याचे अनुभवता यावेत, याकरिता स्त्रियांना सणांच्या निमित्ताने इतर स्त्रियांशी हितगुज करता येई. गाणी, भोंडला, झोका खेळणे यातून मनोरंजन मिळे. मराठी प्रतिष्ठानने याला आधुनिक जोड देऊन पुरुषांना देखील संपूर्ण कार्यक्रमात सहभाग घेण्याची संधी दिली. पुरुषांनी देखील हिरहिरीने भाग घेत या संपूर्ण कार्यक्रमात रंगत आणली. नवीन व जुन्या मराठी कुटुंबाचा परिचय कार्यक्रम घेऊन त्यांना कुटुंबात सामावून घेतले. पारंपरिक कार्यक्रमासोबतच आयोजकांनी विविध गमतीदार खेळांचेही आयोजन केले होते. या खेळांनी उपस्थित सर्वांचेच मनोरंजन केले. चविष्ट अल्पोपहाराने उपस्थितांची पोटासोबत मने देखील जिंकली!

आधुनिक जीवनशैलीचा अवलंब करताना मूळ मराठी मातीशी नाळ तुटू नये याकरिता मराठी प्रतिष्ठान बंगळुरू हे कायमच प्रयत्नशील असते. विविध मराठी सण सामूहिकरीत्या साजरे करून परमुलूखात एक प्रकारे महाराष्ट्राच्या सांस्कृतिक अस्मितेचे दर्शन मराठी प्रतिष्ठान करून देत असते. वटपौर्णिमा 2018 या कार्यक्रमाच्या आयोजनात मराठी प्रतिष्ठानच्या महिला समितीच्या सभासद सौ.अनघा मसने, सौ.भाग्यश्री अडसूळ, सौ.श्रीजला जोशी, सौ.सुप्रिया कुऱ्हाडे यांचे मोलाचे नियोजन व सहकार्य लाभले.तसेच ह्मा कार्यक्रमाला प्रतिष्ठानचे श्री. गणेश राऊत, श्री. नंदकुमार स्वामी, श्री.विजय पाटील, श्री. बापूसाहेब शिंदे, श्री. राहुल निंबाळकर, श्री. निलेश राणे, श्री. शैलेश पाटील यांचे मोलाचे मार्गदर्शन मिळाले. याकामी प्रतिष्ठानच्या तरुण शिलेदारांना ज्येष्ठांचे देखील मार्गदर्शन मिळत असते. श्री.सुनील खंडाळकर, श्री.प्रसन्नकुमार कंन्नव, श्री.व सौ.निर्मला सोनवणे, सौ.शोभा तळसंदेकर, सौ.निर्मला पाटील वैजयंती मनगुली, व विद्याधर चिंचवाडे आदी ज्येष्ठ मंडळींनी देखील आपली उपस्थिती दर्शवत आशीर्वाद दिले.

The post सखा सोबती वट पौर्णिमा २०१८ appeared first on मराठी प्रतिष्ठान, बंगळूर.

The post एमपीसीएल २०१८ appeared first on मराठी प्रतिष्ठान, बंगळूर.

मराठी प्रतिष्ठानचे बापूसाहेब शिंदे व टी-कट्टा क्लबचे इकबाल मुलाणी यांनी जमलेल्या लोकांचे स्वागत केले. इकबाल मुलाणी यांनी मराठी संस्कृती व सण, मकर संक्रात याबद्दल माहिती दिली. दत्ता भगत यांनी आपल्या नयनरम्य रांगोळीने सगळ्यांचे लक्ष वेधले होते.

कार्यक्रमाची सुरुवात स्नेहा पवन पाटील यांच्या मंत्रमुग्ध आवाजात ‘माहेरची ओढ’ व ‘भुलले रे मन माझे’ या मराठी गीतांनी झाली. अवघ्या ५ वर्षांच्या कु.ओवी बापूसाहेब शिंदे या चिमुरडीने सादर केलेल्या हूला हू नृत्य प्रकाराने जमलेल्या डोळ्याचे पारणे फेडले. तसेच कु.मृगाक्षी विजय पाटील या ६ वर्षाच्या चिमुरडीने आपल्या नृत्याविष्काराने लोकांची वाह वा मिळवली. अवनी चौगावकार या केवळ ४.५ वर्षाच्या मुलीने देखील नृत्यकौशल्य दाखवत उपस्थितांना आश्चर्याचा गोड धक्का दिला. टी-कट्टाचे हरहुन्नरी कलाकार प्रवीण भरमशेट्टी यांनी आपल्या अप्रतिम नृत्याने वातावरणात जबरदस्त उत्साह फुंकला.

यानंतर लहान मुलांचा बोरन्हाणाचा पारंपरिक कार्यक्रम पार पडला. या सोबतच जमलेल्या लोकांच्या मनोरंजनासाठी विविध खेळ आयोजित केले होते. उपस्थित सर्व लोकांनी त्यांचा मनमुराद आनंद घेतला. यानंतर भोजनाचा कार्यक्रम पार पडला. भोजन अर्थातच अस्सल महाराष्ट्रीय प्रकाराचे होते व जमलेल्या लोकांनीदेखील भारतीय बैठक घालून त्याचा आस्वाद घेतला.

संक्रांत सणाला मराठी स्त्रियांच्या दृष्टीने अनन्यसाधारण महत्व आहे. या कार्यक्रमातदेखील उपस्थित महिलांनी मराठी परंपरा जपली. महिलांसाठी हळद-कुंकू व वाण देण्याचा कार्यक्रम पार पडला. कृपा गणेश राऊत, सोनाली नंदकुमार स्वामी, भाग्यश्री अजय अडसूळ,श्वेता वाणी व रीचा चौगावकर यांनी महिलांच्या या कार्यक्रमाचे छान आयोजन केले. त्यानंतर विविध-कालागुणदर्शन कार्यक्रमांतर्गत रांगोळी, मेंदी स्पर्धेतील विजेत्यांना पारितोषिक वाटपाचा कार्यक्रम झाला. मराठी प्रतिष्ठानचे गणेश राऊत ,विजय पाटील ,नंदकुमार स्वामी ,बापूसाहेब शिंदे , टी-कट्टाचे इकबाल मुलाणी, प्रवीण कुरे आदींच्या हस्ते बक्षीसे प्रदान करण्यात आली. मराठी प्रतिष्ठानचे उपाध्यक्ष गणेश राऊत यांनी आगामी उपक्रमांची माहिती उपस्थितांना दिली. नंदकुमार स्वामी यांनी आभार प्रदर्शन केले. शेवटी राष्ट्रगीताने कार्यक्रमाची सांगता झाली.

अनौपचारिक वातावरण, प्रचंड उत्साह व जमलेल्या सर्व मराठी जनांप्रती अकृत्रिम स्नेहभाव हे या कार्यक्रमाचे एकूणच वैशिष्ट्य सांगता येईल. ‘तिळगुळ घ्या गोड बोला’ म्हणत मराठी परंपरा सणांमार्फत जपण्याचा, चिमुरड्यांच्या किलबिलाटातच त्यांना संस्कृती रक्षण व परंपरा जतन करण्याचे धडे देण्याचा आणि सर्वात महत्वाचे म्हणजे मराठी कुटूंबांमधील एकोपा टिकवायचा प्रयत्न या कार्यक्रमात झाला. मराठी प्रतिष्ठान, बंगळुरू हे मंडळ या कामी सतत अग्रेसर असते. बंगळुरूमधील विशेषतः माहिती तंत्रज्ञान क्षेत्रात काम करणाऱ्या मराठी कुटुंबांना एकत्र आणून या पद्धतीच्या कार्यक्रमांमार्फत त्यांच्यात जिव्हाळा निर्माण करण्याचे मोठे कार्य मराठी प्रतिष्ठान नेहमीच करत असते. रोजच्या धकाधकीच्या जीवनात हे क्षण निश्चितच वर्षभराची ऊर्जा व आनंद देऊन जातात.

या कार्यक्रमाला टी-कट्टा ग्रुपच्या सर्व महिला, इकबाल पठाण, प्रवीण कुरे, महेंद्र सांडभोर, प्रवीण भरमशेट्टी इ. तसेच मराठी प्रतिष्ठान बंगळुरूचे अजय अडसूळ, विजय पाटील, नंदकुमार स्वामी, गणेश राऊत, अर्चना पाटील, प्राची दीक्षित, निलेश राणे, बापूसाहेब शिंदे, भाग्यश्री अडसुळ,कृपा राऊत,सोनाली स्वामी,श्वेता वाणी व रिचा चौगावकर आदींचे मोलाचे योगदान लाभले.

The post मकरसंक्रांत – २०१८ appeared first on मराठी प्रतिष्ठान, बंगळूर.

The post दीपोत्सव २०१७ appeared first on मराठी प्रतिष्ठान, बंगळूर.

The post रम्य ते बालपण -आठवणीतले खेळ appeared first on मराठी प्रतिष्ठान, बंगळूर.