“मराठी प्रतिष्ठान” केवळ मनोरंजनापुरतं मर्यादित न राहता समाजाप्रती बांधिलकी जपण्यासाठी मंडळाने एक पाऊल पुढे टाकलं. सणवार साजरे करत असताना आपण सामाजिक भान बाळगलं पााहिजे ही जाणीव सर्वव सभासदांच्या मनात होती.याच प्रेरणेतून आमचे मित्र हर्षद दाणी यांच्या माध्यमातून कोल्हापूर स्थित “लोरिमा” ह्या अनाथ मुलांची देखभाल करणाऱ्या संस्थेला मदत करण्याचं ठरवलं. संस्थेतील चिमुकल्यांना दिवाळीनिमित्त खाऊ, वह्यापुस्तके इ. वाटपासाठी मराठी प्रतिष्ठानच्या सदस्यांनी स्वेच्छेने निधी जमा करून उपक्रमासाठी खारीचा वाटा उचलला. शिवाय, दरवर्षी मंडळाकडून  अशा प्रकारे मदत वाढत राहील  ह्याची जबाबदारी सुद्धा घेतली.